Margir af áhugaverðustu áfangastöðum landsins eru á Norðurlandi. Það er ánægjulegt að geta boðið uppá ferðir á þessa mögnuðu staði, svo sem hinn margrómaða Demantshring (Mývatn - Dettifoss - Ásbyrgi - Húsavík - Goðafoss) www.diamondcircle.is. 

Fjölbreytileiki svæðisins er gríðarlegur og má þar nefna t.d. jarðhita, leirhveri, nýlegt hraun, fossa, þar á meðal aflmesta foss landsins Dettifoss, þjóðgarð, kvöldsólina og hvalaskoðun.

Endilega rennið niður síðuna til að sjá úrval af okkar uppáhalds áfangastöðum. 

Sjáðu hvað norðaustur Ísland hefur upp á að bjóða

Mývatn er fjórða stærsta stöðuvatn Íslands, um 37 ferkílómetrar að stærð. Vatnið er frekar grunnt. Í vatninu eru um 40 litlar eyjar og gervigígar sem gefa vatninu fagurt yfirbragð. Innrennsli í vatnið er að mestu frá lindum sem eru austan- og sunnanvert við vatnið. Laxá rennur úr Mývatni. Vatnið er þekkt á heimsvísu fyrir fjölskrúðugt fuglalíf. Þar eru fleiri andategundir finnanlegar en annars staðar í heiminum. Landslag Mývatnssveitar er mótað af eldstöðvum og eldfjöllum svo sem Kröflu og Hverfelli, sem er einn stærsti sprengigígur heims. Stórfenglegar hraunmyndanir eru í Dimmuborgum. Austan við Námafjall er mikið brennisteinshverasvæði. Jarðböðin við Mývatn eru viðurkennd heilsuböð en þar er baðlón með hveravatni og náttúruleg gufuböð. Þar er notalegt að slaka á og njóta magnaðrar náttúru Mývatns.

Dettifoss er aflmesti foss Íslands, 44 metra hár og 100 metra breiður. Fossinn er staðsettur í Jökulsá á Fjöllum, sem rennur úr Vatnajökli til sjávar í Öxarfjörð. Í næsta nágrenni eru Hafragilsfoss og Selfoss. Allt svæðið er hluti af þjóðgarði Vatnajökuls.

Askja er eldstöð í Ódáðahrauni, norðan Vatnajökuls, en umhverfis hana liggja Dyngjufjöll. Gífurlegt eldgos varð þar 1875. Öskufall frá gosinu hafði mikil áhrif á land og þjóð og átti sinn þátt í því að stór hópur fólks flutti til vesturheims. Öskjuvatn myndaðist við mikið landsig eftir að gosinu lauk en við hlið þess austan megin situr gígurinn Víti. Askan í gosinu er talin hafa komið þar upp. Síðast gaus í Öskju árið 1961 en árin 1965 og 1967 ferðuðust tveir hópar Apollo geimfara til Íslands til að læra jarðfræði og þjálfa fyrir fyrstu lendingu á tunglinu. Þeir heimsóttu og könnuðu meðal annars Öskjusvæðið.

Þjóðgarður var stofnaður í Jökulsárgljúfrum og nágrenni þeirra árið 1973. Í þúsundir ára hefur Jökulsá á Fjöllum, ein stærsta jökulá á Íslandi runnið undan Vatnajökli í gegnum fjölbreytt landslag til sjávar í Öxarfjörð. Á leið sinni hefur áin grafið gljúfrin með hjálp hamfarahlaupa.

Margir staðir í gljúfrunum eru aðdráttarafl svo sem Hólmatungur, Hljóðaklettar og Ásbyrgi.  

Svæðið er vinsælt útivistar- og göngusvæði. Ásbyrgi er hamrakví í Jökulsárgljúfrum og eitt af mestu náttúruundrum Íslands. Það er allt að 3,5 km á lengd inn í botn og um 1,1 km á breidd. Fyrstu tvo km er byrgið klofið af Eyjunni en það er mikið standberg. Hamraveggirnir eru um 90 – 100 m háir og eru lægstir fremst en hækka þegar innar dregur.  Talið er að Ásbyrgi hafi myndast þegar tvö hamfarahlaup urðu í Jökulsá á Fjöllum. En þjóðsagan skýrir þetta náttúrufyrirbæri á þann hátt að þarna hafi Sleipnir, hestur Óðins, stigið fast niður fæti þegar hann var á ferð sinni um lönd og höf. Ásbyrgi er heillandi útivistar- og göngusvæði.

Húsavík við Skjálfanda er bær með um 2.300 íbúa. Þar er talið að fyrsti landnámsmaðurinn  Garðar Svavarsson hafi haft vetursetu árið 870. Eitt höfuðeinkenni Húsavíkur er Húsavíkurkirkja, timburkirkja reist 1907. Skrúðgarður er við Búðarána, sem sumir tala um sem eitt best varðveitta leyndarmál bæjarins ...... það er þess virði að finna hann! Á sumrin iðar allt af mannlífi, á hafnarsvæðinu og í miðbænum, vegna fjölda gesta sem leggja leið sína til bæjarins. Húsavík er oft nefnd „ höfuðborg hvalaskoðunar á Íslandi“ enda gera þaðan út mörg fyrirtæki í hvalaskoðunferðir á Skjálfandaflóa. Aðstæður á flóanum eru mjög góðar til þessa vegna fjölda hvalategunda sem þar finnast samhliða tækifæra til fugla- og náttúruskoðunar. Bærinn státar af áhugaverðu hvalasafni auk annarra safna og nýlega hefur Geosea opnað nýstárlega baðaðstöðu nálægt Húsavíkurvita. Borað var eftir heitu vatni á Húsavíkurhöfða fyrir áratugum og upp kom vatn sem reyndist vera heitur sjór og of steinefnaríkur til húshitunar. Þessi borhola, ásamt annarri, er nú nýtt í böðin. Þú nýtur náttúrunnar á einstakan hátt í GeoSea. Útsýnið yfir fjallgarðinn í vestri, Skjálfandaflóann fyrir neðan klettana og sjálfan Norður-heimskautsbauginn við sjóndeildarhring. Hitinn í iðrum jarðar sér um að sjórinn í böðunum sé hlýr og góður og steinefnaríkt vatnið gælir við hörundið. 

Goðafoss er í Skjálfandafljóti Bárðardal. Hann er einn af frægustu og vatnsmestu fossum landsins. Hann skiptist í tvo meginfossa og nokkra smærri, fer það eftir vatnsmagni árinnar hversu margir þeir eru á hverjum tíma. Goðafoss er 9-17 m hár og 30 m breiður. Þjóðsaga tengir Goðafoss kristnitökunni árið 1000.

Akureyri við botn Eyjafjarðar er höfuðstaður Norðurlands. Þar búa rúmlega 18.000 íbúar.  Áður fyrr var Akureyri iðnaðarbær en nú á dögum er Akureyri þjónustu- og skólabær. Helsta kennileiti bæjarins er Akureyrarkirkja en að auki er þar að finna víðfrægan grasagarð og sterka menningu sem finna má í leikhúsi og ýmsum söfnum bæjarins.

Þeistareykir er aflmikið háhitasvæði milli Húsavíkur og Mývatns. Þar eru leirhverir með litríku umhverfi. Landsvirkjun hefur byggt þar gufuaflstöð. Þar var búið með hléum allt til 1873. Þeistareykjabunga er gríðarstór eldstöð, hún liggur austur af Þeistareykjum. Skammt þar frá eru Litla- og Stóra Víti.

Raufarhöfn liggur næst heimskautsbaug allra þéttbýlisstaða á landinu. Þar er dagurinn lengstur á sumrin og stystur á veturna og sjónarspil ljóss og skugga því hvergi mikilfenglegra. Í þessu umhverf rís Heimskautsgerðið. Svipað og hinn forni forveri, Stonehenge, er Heimskautsgerðið einskonar sólúr sem miðar að því að fanga sólargeislana og varpa skuggum á nákvæma staði, grípa ljósið bæði að degi og sumarnóttu. Hliðin milli stöplanna vísa mót höfuðáttunum, þannig að miðnætursólin sést frá suðurhliði gegnum miðsúlu og norðurhlið, á sama hátt og sólarupprás sést frá vesturhliði í gegnum miðsúlu og austurhlið. Sökum þess hve landið er lágt þá er ekkert sem skyggir á víðáttumikinn sjóndeildarhringinn frá
 Heimskautsgerðinu, heilar 360 gráður.

Á landnámsjörðinni Grenjaðarstaður stendur einn elsti og stærsti torfbær landsins. Hann er allt að 700 fermetrar að flatarmáli og elsti hluti bæjarins var reistur árið 1865. Jörðin er fornt höfuðból og kirkjustaður.  Búið var í bænum til ársins 1949 en árið 1958 var hann opnaður sem byggðasafn á vegum Þjóðminjasafns Íslands. Í bænum eru á annað þúsund gripir til sýnis og veitir heimsókn þangað innsýn í daglegt líf Íslendinga á þessum tíma. 

Demantshringnum má helst lýsa sem stórkostlegri 250 km langri hringleið um Norðausturland sem hefur til að bera nokkra af fallegustu stöðum landsins í fjölbreyttu landslagi. Demantshringurinn inniheldur fimm aðal áfangastaði þ.e. hinn fagra og sögulega Goðafoss, hið ljós bláa og græna landslag náttúrparadísarinnar Mývatns, stjórnlausa orku Dettifoss sem er kraftmesti foss Evrópu, hið hóflagaða náttúruundur Ásbyrgi og Húsavík sem er oft nefnd höfuðborg hvalaskoðunar á Íslandi. Sjáið með eigin augum !

Diamond Circle

Demantshringurinn er heiti á svæði sem að inniheldur margar af helstu náttúruperlum Íslands. Hringurinn er staðsetur á norðausturlandi. Svæðið er ríkt af þeim tegundum jarðlaga sem príða ísland  ásamt einum fallegustu áfangastöðum landsins. Jarðhiti, leirhverir, gamalt sem nýtt hraun og þekkta fossa. Kvöldsólin og sólsetrið hér á norðausturstrandlengjunni nálagt miðbaug er mjög fallegt og getur verið magnþrungið. Mývatn er einn fjölsóttasti  áfangastaður Íslands. Einstaklega vel samsett svæði af náttúrunnar hendi dregur gesti að hvort sem að áhugasvið gestsins er útivist og hreyfing, náttúran, dýralífið eða áhugi á jarðhita og orku.  Dettifoss er jökulfoss og náttúruperla innan Vatnajökulsþjóðgarðar en hann er vatnsmesti foss Evrópu. Kraftur hans og dulúð dregur gesti að sem geta notið hans frá mörgum hliðum eða notið gönguleiðanna sem liggja að honum og frá. En afar vinsælt er að ganga, hjóla eða skokka frá Dettifossi niður í Vesturdal eða alla leið í Ásbyrgi. Jökulsárgjúfur er einnig svæði innan Vatnajökulsþjóðgarðs. Þar má finna náttúruperlurnar Ásbyrgi, Hljóðarkletta, Vesturdal og Hólmatungur.  Þessir staðir innan þjóðgarðarins eru heimili Jökulsárhlaupsins vinsæla sem haldið er árlega. Á Raufarhöfn aðeins austar er í uppbyggingu magnaður staður sem nefnist Heimsskautagerðið en  Raufarhöfn liggur næst heimskautsbaug allra þéttbýlisstaða á landinu. Þar er dagurinn lengstur á sumrin og stystur á veturna og sjónarspil ljóss og skugga því hvergi mikilfenglegra. Til vesturs liggur Húsavík höfuðborg hvalaskoðunar í Evrópu. Hvalaskoðun í Skjálfanda er aðal aðdráttarafl Húsavíkur. Frá Húsavík er síðan hægt að ferðast að Mývatni um tvær leiðir. Inn á þjóðveg eitt, yfir Hólasand eða um Þeistareyki. Þeystareykir er jarðhita svæði og hefur Landsvirkjun virkjað gufuna á svæðinu sem að sér neytendum til byggða fyrir rafmagni. Þar er að finna fornar minjar svo síður né svo sé talað um sögu.  Ekki langt þar frá er að finna litla Víti og Stóra Víti, Gjástykki og síðan Kröflu. Hólasandur er geysilega fallegt svaði þakið svörtum sandi með fjöllin í bakgrunn. Um hann var lagður bráðabyrgðarvegur til fluttningar á kisil frá Mývatnssveit til bryggju á Húsavík. Þessi vegur hefur fengið framlenging lífdaga um ókomna tíð í vegakerfi landsins. Þriðji möguleikinn er síðan frá Húsavík inn á þjóðveg eitt sem leiðir gesti framhjá Grenjaðarstað, Goðafossi og áleiðis til Akureyrar.  Grenjaðarstaður er einn af þessum vinsælu gömlu torfbæjum sem haldið hefur verið við á vegum Þjóðminjasafnsins. Þar er hægt að kynnast lifnaðrháttum forfeðra Íslendinga en safnið stendur nálagt bökkum Laxár í Aðaldal. Goðafoss er mjög vinsæll áfangastaður en heyti hans vísar til Goða þeirra sem landsmenn hilltu fyrir kristintöku. Þessir staðir eru allir innan við tveggja tíma aksturfjarlægð frá Akureyri og auðvelt að eiða heilum degi að aka Demantshringinn og njóta. Einning er gott aðgengi inn á hálendið ef áhugi er fyrir því skoða Öskju, Herðubreyð, Herðubreyðalindir. Askja er eldfjall með mikla sérstöðu en hjá henni liggur Öskjuvatn og Víti. Aðeins sunnar liggur síðan Holuhraun nýjasta hraun íslands.

Áhugaverðir áfangastaðir á Norðurlandi | Fjallasýn

Sjáðu hvað norðaustur Ísland hefur upp á að bjóða

Mývatn1/10

Demantshringurinn